Saturday, March 20, 2010

A Letter to My Fellow Boholanos

Tuesday, March 9, 2010

*This letter was first published in Rene’s Facebook profile and fan page.

Minahal kong igsoong Bol-anon,

Dawata ang akong mainitong pagtimbaya kanimo ug sa imong mga minahal sa kinabuhi.
Ang makasulti gayud sa kamatuoran bahin kanako mao kadtong mga tawong akong nakauban diha sa trabaho, ug kadtong nakaambit sa akong mga panahon sa kalipay ug kasakit latas sa katuigan; ang akong mga minahal usab sa kinabuhi, mga higala, paryente ug mga kauban sa buhat. Busa, ang akong tiunay nga mensahe magsukad lamang gayud sa ilang mga gisaysay.
Matud pa nila, nagsugod ako sa natad sa politika isip usa ka batan-ong tugob sa idealismo nga dili gani hanas mopahiyom sa mga botante. Ug kana tungod kay dili ako maantigong magpakaaron-ingnon. Karong panahona, bisan tuod nakat-on na ako paglangoy sa dagat sa pamulitika wala gihapon mawagtang kanako ang idealismo.
Ania gihapon ako aron pagsilbi sa Dios pinaagi sa atong kaigsoonan sa akong yanong pamaagi. Og makasiguro gayud kamo nga ubang kang Rene Relampagos dili gayud kamo sulti-ag Oo kon ang gipasabot Dili; ania ako, inyong matinud-anong higala ug igsoong Bol-anon/Loonanon nga naglantaw gayud sa maayong kaugmaon ning atong probinsya.

Kaninyo matinahuron…

Rene Lopez Relampagos

1 comment:

Anonymous said...

Mahal nga Rene Relampagos,
Nga intaweon nga ang buot nimong ipangdugang sa nasudnong timailhan pulos man gikan sa Tagalopg/Tinagalog? Aduna man unta kirtay maambit nga BIsaya/Binisaya alang sa nasudnong timailhan, sama sa: nasudnong sayaw - tinikilng o itik-itik, nasudnong buwak - waling waling, nasudnong bayani - Lapulapu o Dagohoy, nasudnong awit - matod nila, ug daghan pa.

Manuel Lino G. Faelnar
Vice President, DILA Philippines Founsation
Vice Chairman, 170+Talaytayan MLR